عراقى عبد اللطيف محمد
سافرت بلاد كتير عربية واجنبية ملاقتش ناس تعرفنى وتحس باللى بية
إلا أخويا المصرى أبو لاسة وجلابية شهم قوى أصيل ومثال فى حسن النية
اصله شرب من النيل فى مركب شراعية ويرضى بالقليل وهمومه مدارية
وجدع قوى مع صاحبه ويبعد عنه الآذية حامد وشاكر ربه وراضى بالماهية
ولو يوم غبت عنه ييجى ويسأل عليا ولو يوم جيبه فاضى يقضيها طعمية
ولو يوم راح للقاضى يتناازل عن القضية دمه خفيف ويضحك ويقول أنا مية مية
حتى لو كانت حالته تصعب عليك وعليا ولو جيت يوم سألته يشكر ويقول هنية ويفرح قوى لو مرته طبختله ملوخية حتى لومن غير لحمة يرضى ياكولها باللية أمرك عجيب يامصري والجنة ليك هدية!
